Aik Veham Tha Dil Mian

AppId is over the quota
AppId is over the quota

Aik Veham tha dil main

Shayad kabhi milo tum

Kuch dair ruk kr poocho

Beetay dinoon ka musam

Aawaz main ho larzish

Aankhoon main ho tajassus

Maazi ka koi lamha

Shayad atak gya ho

Sab bhool kr bhi shayad

Kuch yaad a gya ho

Phir main tumhain bataoon

Apni khushi ki baatain

Har dukh ko chupa kr dil main

Aasoodgi ki baatain

Wo chand chudhween ka

Taroon bhari wo raatain

Dilkash haseen shamain

Maasoom wardatain

Wo pyar ka tasawwur

Wo bandagi ki batain

Wo rooz rooz marna

Aur zindagi ki baatain

Tum dukh say muskurao

Dheeray say paas aao

Sar ko jhuka kay apnay

Chup chaap laut jao

Phir main bhi muskuraon

Man kay diyay jalaon

Duhraon apnay dil main

Ik Talkh si haqeeqat

Aik khuwab zindagi ka

Haan umer bhar jo daikha

Kabhi ho saka na pora

Yunhi rah gya adhoora.

View the original article here